Naligtas? Isang bata sa Rizal, hinostage sa gitna ng highway at nagdulot ng traffic

Matiwasay na nailigtas ang batang hinostage sa C6 Road sa Taytay, Rizal Kasalukuyang nasa kustodiya ng PNP ang suspek matapos ang matagumpay na operasyon Pinangunahan nina PNP Provincial Director Felipe Maragun at Taytay Police Chief Marlo Solero ang rescue operation Bukas na muli ang trapiko sa C6 Road at maluwag na ang daloy sa magkabilang linya. 

Maayos at matiwasay na nailigtas ng mga awtoridad ang isang bata na hinostage sa gitna ng C6 Road sa Taytay, Rizal nitong Sabado ng gabi, Enero 25. 

Sa isang update mula kay Taytay Mayor Allan De Leon, sinabi niya na sa pangunguna ni PNP Provincial Director Felipe Maragun, Taytay Police Chief Marlo Solero, at mga miyembro ng task force multipliers, matagumpay na natapos ang rescue operation. “Ang batang hinostage ay ligtas na nailigtas, at ang suspek ay kasalukuyang nasa kustodiya na ng PNP,” ani ng alkalde. 

Naunang ibinalita ni Mayor De Leon sa social media bandang 8:15 ng gabi ang insidente ng hostage-taking sa gitna ng kalsada sa C6-Lakeview patungong Taguig City. Dahil dito, nagdulot ng mabagal at mabigat na daloy ng trapiko sa lugar. 

Matapos ang operasyon, sinabi ni Mayor De Leon na bukas na muli ang C6 Road at maluwag nang dumadaloy ang trapiko sa magkabilang linya. Pinayuhan din niya ang publiko na mag-ingat sa lahat ng oras.

Ang matagumpay na operasyon ay naging posible sa pamamagitan ng koordinasyon ng mga awtoridad, barangay, at task force multipliers, na nagtulungan upang tiyakin ang kaligtasan ng hostage at kapayapaan ng lugar.