KULONG! Lalaki Nahuli sa paulit-ulit na pang-aabuso sa isang menor de edad sa Rizal

Timbog ang isang lalaki matapos ang paulit-ulit niyang pang-aabuso umano sa isang menor de edad sa Teresa, Rizal. Sa Pililla naman, huli rin ang isang lalaki dahil sa pangmomolestiya umano sa kaniyang 14-anyos na kapitbahay.

Sa ulat ni EJ Gomez sa Unang Balita nitong Huwebes, sinabing nahaharap ang 27-anyos na lalaki sa kasong child abuse matapos niyang paulit-ulit na abusuhin umano ang isang menor de edad noong Abril 2019.

"Itong akusado ay 21 years old noong nangyari ang insidente ng pang-aabuso sa isang 13 anyos na dalagita. Apat na beses na nangyari. 'Yung una is nag-inuman, pinagamit pa siya ng marijuana nitong akusado, itong biktima," sabi ni Police Colonel Felipe Maraggun, Provincial Director ng Rizal Provincial Police Office.

Depensa ng lalaking akusado, may relasyon umano sila ng menor de edad na biktima.